O primeiro home que se puxo un corazón de porco era estadounidense, chamábase David Bennett e tiña 57 anos. Sufría unha grave enfermidade que non lle deixaba ser candidato a un corazón humano.

Houbo numerosos intentos de transplantar órganos de animais a humanos. Durante a década dos 60, os médicos tentaron implantar órganos de monos a humanos. Un dos pacientes sobreviviu 9 meses antes de que o corpo rechazara finalmente o órgano. Outra paciente, en 1984, só viviu 21 días despois de que lle puxeran un órgano de babuíno.

Durante décadas os médicos transplantaron partes de animais a humanos, como por exemplo: válvulas cardíacas, tecidos cutáneos e células pancreáticas de porcos. Ademais disto, logrouse transplantar corazóns de porcos a babuinos e outros primates non humanos. Un babuino sobreviviu durante 3 anos.

Os órganos dos porcos son os máis compatibles para es humanes. Isto é pola súa velocidade de crecemento e tamaño. Os transplantes fracasaban por un azucre que provoca unha reacción inmunitaria no corpo humano. Os investigadores modificaron xenéticamente e criaron porcos sen este xen que crea o azucre.

Ao ler todo isto temos que preguntarnos polo menos tres cousas: é isto ético? que pasa cos porcos? e, funcionará a longo prazo?

A resposta á primeira pregunta é non, non é ético. Temos que ter en conta que os animais, máis concretamente, os porcos, ao ser o animal do que estamos a falar, sofren. Son seres que merecen vivir. Non os debemos ver como algo inferior a nós senón como un ser distinto que ten o seu dereito a vivir. Non vemos ben matar a unhas persoas para salvar a outras, polo tanto tampouco deberíamos de ver ben matar a unhas especies para salvarnos a nós. Por que eles deben sacrificar a súa vida para salvarnos? Estamos sendo os malos dunha película de terror na que desmembramos a outros seres. Onde está a nosa empatía e altruísmo?

A resposta a segunda pregunta é que morren, obviamente. Así como criamos porcos para matalos e comelos, crian a estes porcos (modificados xenéticamente) para despois matalos e darnos os seus órganos. Outra cousa importante, é que non sabemos como vai a influir a modificación xenética na saúde dos porcos a longo prazo.

Ao parecer, o home, según o que eu lin, pudo morrer por un citomegalovirus porcino. Que quere dicir isto? Outro fracaso para o colectivo de persoas especistas que pretenden usar aos animais como obxectos para "facilitarnos" a vida a nós. 

Como conclusión, debemos entender que os animais son seres que, como xa dixen, merecen vivir e non deben dar a súa vida por nós. Non deberíamos seguir investigando isto porque non deberíamos acabar cunha vida por outra. Debemos facernos doadoras de órganos e buscar formas de facer isto éticamente, como mellorar as técnicas artificiales.