Esta lei de benestar animal di ser moi completa e moi necesaria. Obviamente é necesaria, pero non é completa, deixa a moitos animais fóra.

Céntrase nos animais de compañía, é dicir, aqueles que viven no domicilio familiar, dicindo que para es demais haberá leis propias. O que non din é que os deixan desprotexidos.

Falaremos a continuación das cousas que si que regula esta nova lei. Prohíbese a comercialización de animais en tendas de mascotas, pero siguen permitindo que criadores profesionales autorizados para a cría si que o fagan. Se entre persoas se dan animais, deberá de ser de xeito gratuito e quedará escrito por contrato. Prohíbese a exhibición de animais para fins comerciais e a súa participación en cabalgatas, beléns e procesións. Pero só se regula a súa aparición en romerías e ferias e ademais poderán seguir indo a concursos, pero terá que ir unhe veterinarie e unhe auxiliar de veterinaria. Antes de adoptar un can haberá que facer un curso co fin de asegurar o benestar do animal e evitar o seu abandono. Os gatos comunitarios en cidades ou pobos pasarán a recoñecerse como colonias felinas, e serán responsabilidade dos axuntamentos, pese que as comunidades deberán establecer protocolos marco. O sacrificio de animais de compañía está prohibido, salvo casos de eutanasia controlada e xustificada por veterinaries, co único fin de evitar o seu sufrimento.

Quedan polo tanto fóra desta lei os animais de explotación gandeira que seguirán sendo inxustamente asasinados e torturados. A tauromaquia, ao estar protexida a nivel constitucional, non se inclúe nesta lei e os toros tamén seguirán sendo torturados e asasinados para a "diversión dunhas cantas persoas". Os zooloxicos seguirán sendo permitidos, cando estes centros só separan aos animais da súa familia e hábitat natural.

Os mencionados anteriormente quedan fóra, pero por unha enmenda do PSOE, tamén quedarían fóra os cans de caza, que son completamente iguais que os da casa, coa pequena diferencia de que son máis abandonados e máis explotados. Ademais exclúen a todos os animais que cumpran actividades específicas, como por exemplo: deportivas, de cetrería, aves de reclamo para caza, furóns (que son ferramentas de caza, críanos descontroladamente, pérdenos ou libéranos co dano ecolóxico que supón ao ser unha especie invasora), cans pastores, guardiáns de gando ou de rescate, etc.

Como conclusión hai que loitar, a lei de benestar animal é moi débil, non protexe para nada a todos os animais. Para que esta enmenda do PSOE non sala adiante e queden fóra máis animais, vaise facer unha concentración diante da sede do PSOE o domingo 16, en Santiago de Compostela, A Coruña e Vigo, aínda que tamén se fará en Madrid, Barcelona, Sevilla e moitas cidades máis, aquí abaixo tendes os carteis.